يوميات ‏فار ‏فى ‏طاحونه ‏الهوا

-
من وقت التانى بيتكرر نفس السؤال
انا ايه ؟ عايش ليه؟ بعمل ايه؟ 
الاقي نفسي بجاوب نفس الاجابه 
بروح الشغل .. افطر .. اشرب الشاي .. و ماعملش حاجه ! لانى مش مطلوب منى اعمل حاجه و مش حابب إلى بيتطلب منى لو اتطلب اصلا لأنه بيبقي اى هلس و كلام فارغ و انا مش عاوز كده لكن اساسا مش مطلوب منى اعمل حاجه فمابعملش حاجه !
و يعدى اليوم بطييييييئ أو هوا و انا مش عارف اعمل ايه ولا انا قاعد هنا ليه وللأسف مش قادر اسيب الشغل طب لما اسيبه حعمل ايه ؟!
و يجي معاد الانصراف و الاقي الناس بتجرى ع تروح !
طب بيجروا ليه ؟ معرفش
و الاقى نفسي بجرى معاهم ليه معرفش ماهو لازم اروح يعنى حفضل قاعد في الشغل ؟! منا لازم اروح ليه؟ معرفش!
فى الطريق الاقي كله بيجرى طب ليه ؟ معرفش والاقينى بجرى وياهم منا لازم أجرى زيهم والا حسمع ميت كلاكس و شتيمه ليه برضوا معرفش؟
طب انتوا مستعجلين ليه ؟ وراكوا ايه ؟ معرفش
و اوصل لغايه الشارع و اركن شويه مش عاوز اطلع البيت طيب و اطلع ليه ؟ يعنى ورايا ايه ؟! مفيش
بس لازم اطلع يعنى حفضل فى الشارع ؟!
و اطلع و يتحط الغدا .. جعان أو مش جعان لازم اكل ماهو وقت الغدا .. اكلت .. شربت الشاي .. اعمل ايه بقي .. معرفش؟!
مفيش حاجه اعملها .. انا فاضي .. فيجيلي ميت الف فكره و فكره ف ماعملش ولا واحده من كتر ما بتجيلي افكار بحس انى مش عارف اعمل اى حاجه ف مابعملش ولا حاجه!
و فى الاخر اقعد شويه ع الفايس اااه الفايس و ادور على حد اكلمه .. مالاقيش ! شويه و اتعب و ادخل انام
و يجيلي ميت الف حلم و كابوس .. و اقلق الاقي لسه بدرى قوى على معاد الشغل .. فارجع انام و اقلق و انام لغايه ما يجي معاد الشغل
و الاقي نفسي تعبااااااان جدا ، حمل تقيل قوى على ضهرى و حرفيا مش قادر اقوم
اجرجر ف رجلى و ازق نفسي زق ع انزل بس ع انزل 
و انزل و الاقي نفس الناس بتجرى طب بتجروا ليه ؟!
ع يروحوا الشغل ! و أجرى معاهم .. منا لازم أجرى زيهم ع اروح الشغل إلى انا مش عاوز اروحه .. بس لازم اروحه
و اروح الشغل و اكرر نفس مسلسل امبارح بالمللى
هو هو 
و انا مش عارف انا ايه ولا بعمل ايه ولا قادر ابطل ماعملش حاجه !

تعليقات

إرسال تعليق

المشاركات الشائعة من هذه المدونة

إنت ‏عايش ‏ليه؟! ‏

-
ذات مساء و بينما كنت اجالس ذات الأفكار اللعينه تلك غارقا بين البحث فى الماضي و ذكرياته المؤلمه و التطلع لذالك المستقبل الذى لا يأتي أبدا عازلا نفسي  في ذلك الكون اللعين الضيق منعزلا عن كل ما هو كائن رافضا كل ما هو مفروض و إذا بي أجد يدى الخامله تحرك تلك الانامل المتكاسله التى انهكها النوم المفرط هربا من دوامات الفكر المميته بمنتهى البطء نحو تطبيق الفيس بوك حتى أقتل قليلا من الوقت هربا من تلك الحرب النازيه المشتعله برأسى و كالعاده لم أكن أقرا أى شئ من تلك التراهات المتعاقبه فقط أتابع أسعار الهواتف الذكيه ثم أظل امرر تلك المنشورات السخيفه لمده لا تتجاوز العشر دقائق ثم أغلق التطبيق و لكن تلك المره لفت نظرى منشور لأحد الأصدقاء القدامى، كنت أعرفه أعرف ذلك الشخص فهو يعانى من الاكتئاب منذ زمن بعيد مثلي تماما.  كان ذلك واضحا تماما فى منشوراته، صوره منفردا، حتى نظراته بتلك الصور تتحدث عن شخص مرهف الحس يتألم وسط عالم من الحلاليف! و رغم أني كنت دائما أبتعد عن التعليق على تلك المنشورات و لكن ليس هربا من الطاقه السلبيه كما كان يفعل معي معظم بل كل من كانوا لدى على أى من حساباتى الكئيبه، بل ...
قراءة المزيد